गोल्डेन ग्लोब्स मनोनयनमा सर्वाधिक विधामा परे नेटफिल्क्समा हेरिएका फिल्म

७८ औं गोल्डेन ग्लोब्स अवार्डको मनोनयन सार्वजनिक भएको छ । अवार्डमा मनोनयनमा पर्नेमा ओटीटी प्लेटफर्ममा हेरिएका नयाँ र पुराना फिल्म र सिरिज रहेका छन् । सोमबार बिहान भर्चुअल रुपमा आयोजकले गोल्डेन ग्लोब्स अवार्ड वितरण गर्ने तयारीमा छ ।

लकडाउनको समयमा सर्वाधिक हेरिएको नेटफिल्क्सका फिल्म र सिरिज मनोनयन परेका छन्। मनोनितमा ‘म्यांक’ सिरिजमात्र ६ विधाका छन्। त्यस्तै ‘द ट्रायल अफ दी सिकागो ७’ पाँच विधामा मनोनित छ ।

‘द क्राउन’ ६ विधामा टेलिभिजनबाट मनोनितमा परेको छ । त्यस्तै नेटफिल्क्स फिल्म ‘मा राइनिज ब्ल्याक बटम’ पनि मनोनितमा परेको छ। स्वर्गिय अभिनेता चाडविक बोसम्यान अभिनित फिल्म हो ।

उत्कृष्ट फिल्मको मनोनयनमा द फादर, म्यांक, नोमल्यान्ड, प्रमिसिङ योङ वुमन र द ट्रायल अफ दी सिकागो ७ छन् । विदेशी भाषी फिल्ममार्फत डेनमार्कको एनोदर राउन्ड, फ्रान्सको ला लोरोना, इटालीको द लाइफ अहेड, अमेरिकाको मिनारी, फ्रान्सको टु अफ अस छन् । टेलिभिजनका प्रसिद्ध होस्ट मानिएका नोरम्यान लियरले दीर्घ साधना सम्मानको रुपमा क्यारोल बर्नेट अवार्ड प्राप्त गर्नेछन् ।