दुई फिल्मको प्रदर्शन मिति जुधेपछि तनावमा पुष्प,के होला ‘लप्पन छप्पन२’

अभिनेता पुष्प खड्का र अभिनेत्री वर्षा सिवाकोटी अभिनित फिल्म ‘मनसँग मन’ आगामी चैत २७ गते प्रदर्शन मिति तय गरेको छ। यहि मितिमा पुष्पकै अर्को फिल्म ‘कृष्ण लिला’ प्रदर्शनको तयारीमा रहेको छ। एकै अभिनेताको फिल्म एकै दिन प्रदर्शन हुने देखिएको छ। चैत २७ मै अर्को मल्टीस्टारर भनिएको फिल्म ‘लप्पन छप्पन २’ ले प्रदर्शन गर्दैछ । लामो समय देखि प्रदर्शनमा आउन लागेका फिल्महरु एक आपसम भिड्ने निश्चित देखिएको छ।
फिल्म ‘कृष्ण लीला’ मा पुष्पसँगै श्रद्धा क्षेत्री, बुद्धि तामाङ, रबिन्द्र झा, नवीन रेग्मी, हिउँवाला गौतम, भावना गुरुङ, आयुष गुरागाई लगायतका कलाकारहरुको अभिनय रहेको छ । फिल्मलाई दीपक ओली निर्देशिन गरेका छन्। फिल्मको प्रस्तुतकर्ता रोहित कट्टेल हुन् ।
यता फिल्म ‘मनसँग मन’मा पुष्प खड्का, वर्षा सिवाकोटी, पल शाह र पूजा शर्मा ,बुद्दि तामाङ,रविन्द्र झा लगायतको कलाकारको अभिनय रहेको छ भने फिल्मलाई कैलाश राइले निर्देशन गरेका हुन् । अरुण तामाङ निर्माता रहेको फिल्मलाई सौरभ इन्टरटेन्मेन्ट र बालाली इन्टरटेन्मेन्टले प्रस्तुत गरेको हो ।
यहि मितिमा प्रदर्शनमा आउन लागेको फिल्म ‘लप्पन छप्पन २’ मुकुन्द भट्टको निर्माण तथा निर्देशनमा बनेको फिल्म हो । यसमा शिव श्रेष्ठ, सौगात मल्ल, अर्पण थापा, अनुपविक्रम शाही, शक्ति श्रेष्ठ, प्रकाश कुँवर, स्व। दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्ट, केरोलिन कोलिन्डा, सुपर गुरुङ, आना ढकाल, सृजना सिना लगायतका कलाकारको अभिनय छ ।

सुरज अधिकारी र प्रजापति सिवाकोटीको कार्यकारी निर्माण रहेको फिल्ममा चिजकुमार श्रेष्ठ, प्रकाश कुँवर, निर्मलकुमार मिश्र र सन्तोषचन्द्र भक्रेल निर्माताको रुपमा छन् ।
पुष १० गतेबाट फिल्म हल खुले पनि अहिले दर्शक हलसम्म तान्न सक्ने फिल्म प्रदर्शन हुन सकेको छैन। तर नयाँ वर्षमा भने एकै मितिमा तीन फिल्मबीच एकैसाथ प्रदर्शन हुँदा भने भाले जुधाई देखिने भएको छ ।