आफुमाथि कुटपिट भएको भन्दै प्रहरीमा सुस्माको उजुरी

अभिनेत्री सुष्मा कार्कीले सोमबार राति दरबारमार्गमा आफूमाथि कुटपिट गर्नुका साथै गाली गलौज गरेको भन्दै प्रहरीमा उजुरी दिएकी छन्। उनले अभिनेत्री श्वेता खड्काकी बहिनी आरती खड्का र पत्रकार उत्सव रसाइलीविरुद्ध प्रहरीमा उजुरी दिएकी हुन् । उनीहरुविरुद्ध अभिनेत्री सुस्मा कार्कीले महानगरीय प्रहरी वृत्त दरबारमार्गमा उजुरी दिएकी हुन् ।

अभिनेत्री सुस्मा कार्कीले आफुलाई कुटपिट गरेको र गाली गलौज गरेको भिडियो सहित प्रहरीमा बुझाएकी छन्। उनले आफुमाथी भएको कुटपिट तथा गाली गलौजको फुटेज रहेको र अव प्रमाणका आधारमा प्रहरीले छानविन गर्ने जनाएकी छन् । हिजो सोमवार साँझ अनिता बास्तोलाको एनिभर्सरी सेलिब्रेटका लागि दरबारमार्गमा रहेको लण्डन पबमा केहि कलाकारका साथ भेला भएका थिए।

उक्त भेलामा श्वेता, उनका श्रीमान विजयन्द्र सिंह रावत, आरतीका साथै उत्सव रसाइली सहभागी हुन पुगेको बुझिएको छ।अभिनेत्री सुस्मा कार्की पनि साथीहरुसँग त्यहाँ पुगेकी थिइन् । त्यहाँ दुइपक्षको भेला हुदा एक आपसमा झगडा सुरु भएको थियो। उक्त विवादको क्रममा आरतीले सुस्मामाथी कुटपिट गरेको सुष्माको उजुरीमा उल्लेख छ।