ओस्कार कलेजले यस वर्ष २४ विद्यार्थीलाई दियो छात्रवृत्ति

ओस्कार कलेजले यस वर्ष २४ जना विद्यार्थीलाई छात्रवृत्ति प्रदान गरेको छ। ओस्कार कलेजले २४ विद्यार्थीलाई छात्रवृत्ति दिन लागेको हो।
कोरोना भाइरसको महामारीका कारण फिल्म पढ्ने इच्छा भएका विद्यार्थीको आर्थिक अभावका कारण नरोकियोस् भन्दै २४ जना विद्यार्थीलाई छात्रवृत्ति स्वरुप पढाउन लागेको ओस्कारले जनाएको छ।

२४ जना विद्यार्थीमा २० जनाले ‘कोभिड रिलिफ स्कलरसीप अवार्ड’ र बाँकी ४ जनाले ‘फिल्म एन्ड मिडिया प्रोफेसनल स्कलरसीप अवार्ड’ पाउने भएका हुन्। यसमा पनि ‘कोभिड रिलिफ स्कलरसीप अवार्ड’ पाएकालाई ४ वर्षको अवधिमा आर्थिक सहयोग पाउनेछन् । त्यस्तै, ‘फिल्म एन्ड मिडिया प्रोफेसनल स्कलरसीप अवार्ड’ पाउने विद्यार्थीलाई पढाइ अवधिभर ५० प्रतिशत प्राप्त गर्नेछन्।