बलात्कृत ५ वर्षिय बालिकाको पढाई खर्च अभिनेत्री मनिषाले बेहोर्ने

अभिनेत्री मनिषा कोइराला अभिनयसँगै सामाजिक कार्यमा सक्रिय हुन थालेकी छन् । उनले काठमाडौमा हुने विभिन्न कार्यक्रममा सक्रिय हुन थालेकी छन्। उनले शुक्रबार राजधानीमा आयोजित महिला हिंसाविरोधी कार्यक्रम ‘मिसन जननी जयते’मा मनिषाले बलात्कार पीडित पाँच वर्षे बालिकालाई सहयोग गर्ने घोषणा गरेकी छन्।

उनले कार्यक्रममा बोल्दै ती बालिकालाई निःशुल्क शिक्षा र आर्थिक सहयोग गर्ने उद्घोष गरेकी छन्। ‘बलात्कृत बालिकालाई मैले सक्दो सहयोग गर्नेछु भने निःशुल्क पठाउने खर्च उपलब्ध गराउनेछु, मनिषाले भनिन्। म्निषाको यो उद्घोषले कार्यक्रममा सहभागिहरुले खुलेर तारिफ गरेका थिए। मनिषाले पृथ्वी जयन्ती अवसरमा आफै नेतृत्व लिएर पृथ्वीको शालिकमा माल्यापर गर्न पुगेकी थिइन।

सामाजिक कार्यमा पनि उनको सक्रियता लोभलाग्दो छ । उक्त समारोहमा सहभागि अभिनेत्री रेखा थापा पनि उपस्थित रहेकी थिइन। कार्यक्रममा बोल्ने क्रममा रेखाले बलात्कारविरुद्ध महिलाको आवाज बलियो हुनुपर्ने र यस्ता विरुद्ध आवाज उठाउन खाँचो रहेको बताईन्।