‘जाम हिड धनगढी’ भन्दै आए बिमलराज र टीका

गायक एबम सर्जक बिमलराज क्षत्री र टीका क्षेत्री ‘जाम हिड धनगढी ’ भन्दै बजारमा आएका छन्। बिमलराज क्षत्री र उनकै धर्मपत्नी टीका कुमारीले गाएको गीत धनगडी जाने कुरा गरेका छन्। गीतमा बिमल राज क्षत्रीको शब्द, संगीत रहेको छ भने गीतको एरेन्ज र मिक्सिङ्ग जीवन बडुले गरेका हुन् ।
दिलिप ओखेडाको निर्देशन रहेको गीतमा ज्ञानेन्द्र शर्माको छायांकन, दिन्सन शाहको सम्पादन रहेको छ । यस गीतलाई दोलालघाटको रमणिय स्थलहरुमा छायांकन गरिएको हो । ‘जाम हिड धनगढी’गीतलाई बिमल चौतारी युटुब च्यानलबाट सार्वजनिक गरिएको छ । उक्त गीतको भिडियोमा चेत बहादुर सिंह (राजा), आशा भुषाल, दिलिप ओखेडा, सुनिता पौडेल आदिको अभिनय हेर्न पाईन्छ ।