पाइरेसी भएपछि युटुबमा रिलिज गरियो ‘आमा’

फिल्म आमा पाइरेसी भएपछि युटुवमा अपलोड गरिएको छ। गत पौष १० गतेबाट फिल्म हल खुलेपछि फिल्म‘आमा’ पुनः रिलिज गरिएको थियो । एकवर्ष अघि रिलिज भएको यो फिल्म कोभिडको मारमा परेको थियो ।

दीपेन्द्र के खनालको निर्देशनमा तयार भएको फिल्ममा आमाहरुको कथा समावेश गरिएको छ। दर्शक र समिक्षकले निकै रुचाएको फिल्म आमालाई विदेश प्रदर्शन पनि बाँकी नै थियो । तर, यो फिल्म पाइरेसी भएपछि युटुबमा रिलिज गरिएको हो ।

फिल्मलाई शर्मिला पाण्डेले निर्माण गरेकी हुन् । फिल्म आमामा मिथिला शर्मा, सुरक्षा पन्त, सरिता गिरी, देशभक्त खनाल, मनिष निरौला, लक्ष्मी भुषाल लगायतका कलाकारको मुख्य भूमिका छ । यहि टिमले नयाँ फिल्म ‘चिसो मान्छे’ बनाउने तयारीमा छ । जुन फिल्म फागुनबाट छायांकनमा निस्कदैछ ।