अवार्ड विजेता छोटो फिल्म ‘फुर्लुङ’ सार्वजनिक

अन्तर्राष्ट्रिय अवार्ड जितेको छोटो फिल्म ‘फुर्लुङ’ यूट्युबमार्फत सार्वजनिक भएको छ। दिनेश खड्काद्वारा निर्देशित छोटो फिल्म ‘फुर्लुङ’ यूट्युबमार्फत सार्वजनिक भएको हो । फिल्ममा भूकम्पले निम्त्याएको परिस्थितिलाई चित्रण गरिएको छ।

एउटा दनुवार वस्तीको एउटा सानो गरिव परिवारको कथामा फिल्म निर्माण गरिएको छ। जहाँ माछा मारेर बेचेको पैसाले जिविकोपार्जन गरिरहेको मान्छेको कथा छ। फिल्ममा भुकम्पले घर भत्काएपछि ७ वर्षीया बालिकाले भुकम्पसँगै आमालाई गुमाउँछिन्। यसैको वरिपरी फिल्मले कथालाई कैद गरेको छ। फुर्लुङ फिल्म विभिन्न अन्तर्राष्ट्रि फिल्म फेस्टिभलमा सहभागी भएर अवार्ड जितिसकेको छ।

करिव २२ मिनेट लामो फिल्ममा अनुष्का खड्का, अशोक सिवाकोटी, ज्ञानेन्द्र कोइराला, जीवन थापा, आरभ खड्का, कृष्णभक्त दनुवार, बेद प्रसाद दनुवार, राधेश्याम श्रेष्ठ आदि कलाकारले अभिनय गरेका छन् । फिल्मलाई केशव अधिकारी खिचेका छन्। यस फिल्ममा सूर्य राई (कमल)को संगीत तथा स्वरमा गीत समावेश गरिएको छ । गीतलाई नुरकुमार दनुवारले लेखेका छन्।