अन्जली अधिकारी अभिनित फिल्म ‘गोर्खे’को टाईटल गीत सार्वजनिक

कोजु ईन्टरटेन्टमेनको ब्यानरमा हरि लामाको प्रस्तुति र तिर्थ राम कोजु र हरि थापाको निर्माणमा तयार भएको फिल्म ‘गोर्खे’मा समावेश गोर्खे सार्वजनिक भएको छ। यस गीतमा आवाज ,संगीत र एरेन्ज शास शाक्यको रहेको छ भने शब्द नग्वा फिन्जु पाख्रिनको रहेको छ ।

यसअघि फिल्ममा समावेश ‘सिन्के अचार’ र गाउँ भरि हल्ला भो ’ बोलको गीत सार्वजनिक गरिएको थियो । फिल्मका गीतमा रमणीय स्थानहरु पाल्पा ,बर्दघाट,धम्पुस,पोखरा र काठमाण्डौ लगायत नेपालको रमणीय स्थानहरुमा छायांकन गरिएको छ। फिल्मलाई किम्मत गौतमले निर्देशन गरेका छन्।

फिल्ममा गोर्खे बन्ने सपना बोकेका ५ युवाहरुको कथामा निर्माण भएको छ । फिल्ममा लगानी हरि थापाले गरेका छन् भने रबिन्द्र प्रताप सेन,अन्जली अधिकारी,अर्जुन गुरुङ्ग,आश्मी लामा,आश्मी श्रेष्ठ,एन्जेल श्रेष्ठ ,बाल्दिप राई लगायतकाको प्रमुख अभिनय रहेको छ।
सौरब लामा र निरज कंडेलले खिचेको यस फिल्मको कथा काजी लिम्बुले लेखेका हुन।

फिल्मका गीतमा छिन्दु पाख्रिन र हरि लम्सालको संगीत रहेको छ । फागुनको दोश्रो साताबाट फिल्म प्रदर्शन गर्ने तयारी भइरहेको निर्माता हरि थापाले बताएका छन् । फिल्मलाई मित्र डी गुरुङले सम्पादन गरेका हुन् ।