आजबाट ‘एउटा यस्तो प्रेम कहानी र मास्टर’ रिलिज

आजबाट दशैभर प्रदर्शनमा आएको फिल्म ‘एउटा यस्तो प्रेम कहानी’ हेर्नका लागि हलमा संचारमन्त्री एवं सरकारका प्रवक्ता पार्वत गुरुङले गएका छन्। उनी हलमै पुगेर फिल्म ‘एउटा यस्तो प्रेम कहानी’ हेरेका हुन् ।

मन्त्री र केहि फिल्मकर्मी सहित निर्माता एवं अभिनेता शिव श्रेष्ठ ललितपुरको लबिम मलस्थित क्यूएफएक्स हलमा पुगेका थिए। फिल्म हेर्न हलमा बसेका संचारमन्त्रीले पुरा फिल्म हेरेनन्। उनले आधा फिल्म भएपछि निर्माता एवं अभिनेता श्रेष्ठलाई बधाइ दिदै फिल्म राम्रो बनेको र सफलताको शुभकामना दिए ।

फिल्म हेर्न पुगेका फिल्मकर्मी तथा मन्त्रीले सामाजिक दूरी कायम गरेको देखिएन । उनीहरु एकअर्कामा टाँसिएरै हलमा प्रवेश गरेका थिए।
आजबाट नै बलिउड फिल्म ‘मास्टर’ नेपालमा रिलिज भएको छ । यसका कारण नेपाली फिल्म ‘एउटा यस्तो प्रेम कहानी’ चाहिँ असर पर्ने देखिन्छ। भारतमा यस फिल्मको टिकट काट्नका लागि भिड बढेको थियो।

भिड नियन्त्रण गर्नका लागि केहि दिन अघि चेन्नाईमा हलवालाले प्रहरी बोलाउनु परेको थियो। नेपालमा पनि यसको टिकट बिक्री बढेको भन्ने बाहिर हल्ला आएको छ। जसका कारण नेपाली फिल्ममा केहि मर्का पर्ने अनुमान लगाइएको छ।