पुष्प , वर्षा ,पल र पुजा अभिनित ‘मनसँग मन’को ‘मेरो त भाग्य’ सार्वजनिक

चैत्र २७ गतेबाट रिलिज हुने फिल्म ‘मनसँग मन’को गीत ‘मेरो त भाग्य’सार्वजनिक गरिएको छ । उक्त फिल्मको गीत आज सार्वजनिक गरेको हो। यस फिल्मको ‘मेरो त भाग्य’ बोलको गीतमा डेभिड शंकर र भावना थापाको स्वर सुन्न सकिन्छ ।

दीपक शर्माको संगीत र विपिन किरणको शब्द समावेश रहेको छ। फिल्ममा पुष्प खड्का, वर्षा सिवाकोटीको नृत्य हेर्न सकिन्छ भने अतिथी कलाकारको रुपमा पल शाह र पूजा शर्माले नृत्य गरेको देख्न सकिन्छ । गीतको भिडियोमा कलाकारद्धय बुद्दि तामाङ र रविन्द्र झालाई पनि देख्न सकिन्छ ।

गीतको भिडियोलाई सौरभ लामाले छायांकन गरेका हुन्। भिडियोमा रामजी लामिछानेको कोरियोग्राफी, अर्जुन जीसीको सम्पादन यो भिडियोमा छ ।कैलाश राइको निर्देशनमा बनेको फिल्ममा निर्माताको रुापमा अरुण तामाङ रहेका छन्। यो फिल्म सौरभ इन्टरटेन्मेन्ट र बालाली इन्टरटेन्मेन्टको प्रस्तुतिमा निर्माण भएको हो।