‘एउटा यस्तो प्रेम कहानी ’लाई पिजी सटिफिकेट

पर्सिबाट हलमा लाग्ने फिल्म ‘एउटा यस्तो प्रेम कहानी’ले पिजीसटिफिकेट पाएको छ। सोमबार सूचना तथा सञ्चार मन्त्रालयको सभा हलमा केन्द्रीय चलचित्र जाँच समितिका सदस्यहरुले फिल्म हेरेपछि ‘एएटा यसे प्रेम कहानी’लाई पिजीसर्टिफिकेट दिएको हो।

यो फिल्म हेर्नका लागि १६ वर्षभन्दा मुनिका दर्शकलाई अभिभावक साथमै ल्याउनुपर्ने भनिएको छ। दिपेश सापकोटाको निर्देशनमा भनेको फिल्मलाई अभिनेता शिव श्रेष्ठले निर्माण गरेका हुन्। यसै फिल्मबा अभिनेत्री करिश्मा मानन्धरकी छोरी कविता र अभिनेता शिव श्रेष्ठका छोरा शक्तिले फिल्म क्षेत्रमा डेब्यू गर्दैछन् ।

फिल्ममा कविता र शक्तिका अलवा शिव श्रेष्ठ, प्रियंका कार्की, आयुष्मान देशराज जोशी, वर्षा राउत, संजोग कोइराला, बसुन्धरा भुषाल, मिथिला शर्मा, नरेन खड्कालगायतको अभिनय रहेको छ ।यशोदा राई र दिनेश दर्शनधारी फिल्मका निर्माता रहेका छन्। फिल्मलाई दर्शकले मन पराउनेमा निर्माण टिम निकै उत्साहित रहेको देखिन्छ। झन्डै चार वर्ष लगाएर निर्माण गरिएको फिल्मलाई दर्शकले मन पराइदिनेमा निर्माण युनिट उत्साहित देखिएको छ।