‘आफ्नै नाम मन पर्यो’ भन्दै राजेश हमाल र नीता ढुंगाना

कोरोना महामारीले फिल्म क्षेत्रलाई असर पर्यो । फिल्म कहिले चल्ने थाहा छैन l सोही कारणले पनि अहिले ठुला पर्दाका कलाकारहरू म्युजिक भिडियो प्रति केन्द्रित भैराछन ।

महानायक राजेश हमाल आज भोलि म्युजिक भिडियोमा निकै व्यस्त रहेका छन् । हमालले लकडाउन खुलेपछि केही म्यूजिक भिडियोमा काम गरे । कुनै म्यूजिक भिडियोले औषत सफलता पाए भने केही म्यूजिक भिडियो अझै पनि भ्यूजकै लागि संघर्षरत छन् ।

राजेश हमाल देखी अहिलेका युवा क्रेज पलशाहा समेत पछील्लो समय म्युजिक भिडियोमा अड्किन थालेका छन् ।  प्रसँग रहयो महानायक राजेश हमालकै ! हमाल पनि केही महिना यता देखी म्युजिक भिडियो तिरनै होमिन थालेका छन् ।

नायक हमाललाई दर्शकले फिल्मको पर्दामा फरक शैलीमा पर्खिरहेको समयमा हमालले भने लोभलाग्दा भिडियोमा अभिनय गरेनन् । यसैले पनि हुनसक्छ, उनले काम गरेका भिडियोले दर्शकको उल्लेख्य माया पाएका छैनन् ।

उनै, हमाल फेरी एक नयाँ गीतको भिडियोमा देखिएका छन् । गायिका लक्ष्मी आचार्य र कुलेन्द्र बिशोकर्माको स्वरमा ‘आफ्नै नाम मन पर्यो’ बोलको गीतको भिडियोमा हमाल र निता ढुंगानाको अभिनय हेर्न सकिन्छ ।

प्रलाद सुवेदीको शब्द र बसन्त थापाको संगीतमा तयार भएको गीतको भिडियोलाई फिल्मी शैलीमा तयार पारिएको छ । शिव वीकको निर्देशन रहेको भिडियोमा सौरभ लामाको छायांकन, तारा थापाको सम्पादन छ ।