रोशनी केसीको निर्देशनमा बन्यो ‘त्यही सच्चा नेपाली’

चर्चित ३० कलाकारको अभिनयमा निर्माण भएको राष्ट्रिय गीत ‘त्यही सच्चा नेपाली’ सार्वजनिक भएको छ । आज पृथ्वीजयन्ती तथा राष्ट्रिय एकता दिवसको अवसर पारेर सार्वजनिक गरिएको हो ।

फिल्ममा निर्माताका रुपमा परिचित बनेकी रोशनी केसीको निर्देशनमा बनेका गीतको भिडियोमा संस्कृदबिद्ध सत्यमोहन जोशी, नीर शाहदेखि पछिल्ला समयका अभिनेता आकाश श्रेष्ठले अभिनय गरेका छन्। गीतको भिडियोमा लोकतन्त्रपार्क, पाटन, पशुपति क्षेत्रमालगायतका स्थानका दृश्य खिचिएको छ भने भिडियो छायाँकन गर्न ४ दिन लगाइएको छ।

गीतमा देविका बन्दना र राजन इशानको स्वर सुन्न सकिन्छ भने आनन्द अधिकारीको शब्द र राजनकै संगीत रहेको गीतको भिडियोलाई फिल्म ‘यात्रा’का निर्माता चिजकुमार श्रेष्ठको निर्माण गरेका हुन्। गीतको भिडियोमा संस्कृतविद्ध सत्यमोहन जोशी, कलाकार नीर शाहका अलवा गौरी मल्ल, करिश्मामानन्धर, निर्मल शर्मा, राजारामपौडेल, दीपाश्री निरौला, दिनेश डिसी, नम्रता सापकोटा, निराजनप्रधान, प्रशान्तताम्राकार, आकाशश्रेष्ठ, उषा खड्गी, कविताशर्मा, दीलिप रायमाझी, गायिका देविकाबन्दना, अनु शाह, छुल्ठिम गुरुङ, धीरेन शाक्य, सम्राट सापकोटा, शिवशंकर रिजाल, खुश्बु खड्का, कविता खड्का, दीपा शाक्य, रजनी केसी, दीपक घिमिरे, शिलाष्मा हमाल लगायत कलाकारको अभिनय रहेको छ । रामशरण उप्रेतीले खिचेको भिडियोमा विक्रम स्वाँरको कोरियोग्राफी, अर्जुन जिसीको सम्पादन गरेका छन् ।