‘तिम्रो मेरो साथ’मा यसरी रमाए पुष्प र साम्राज्ञी

फिल्म ‘तिम्रो मेरो साथ’को छायाँकन सुरु भएको छ । काठमाडौबाट फिल्मको छायाँकन थालिएको हो। अभिनेत्री साम्राज्ञी राज्यलक्ष्मी शाह र अभिनेता पुष्प खड्काको मुख्य भूमिका निर्माण थालिएको फिल्मलाई रमेश एम के पौडेलले निर्देशन गर्दैछन् ।

निर्माताका रुपमा आफुलाई चिनाएका पौडेलले पहिलो पटक निर्देशनमा हात हालेका हुन्। पौडेलकै कथा, गीत र निर्माणमा रहेको फिल्मको नाम यस अगाडि ‘रेड वाइन’ राखिएको थियो । प्रेमकथामा बन्न लागेको फिल्ममा साम्राज्ञीको अलवा पुष्प खड्का, सरोज खनाल ,सन्दिप क्षेत्री, खबपु, इमिली लामालगायतको अभिनय रहनेछ ।

पुष्प र साम्राज्ञी दोस्रो पटक एकसाथ काम गर्न लागेका हुन्। यसै फिल्ममा अभिनेता ध्रुवदत्तको पनि अभिनय हेर्न पाइने छ। फिल्मका निर्माता पासाङ लामा र सह निर्मातामा निरु भण्डारी, सुमन पौडेल र सुधिर पराजुली रहेका छन् । आर्यन फिल्मस् तथा बोधी एचडी अमेरिकाको ब्यानरमा निर्माण हुने फिल्मको पटकथा र सम्वाद सविर श्रेष्ठको रहेको । फिल्मको छायांकन नेपाल र अमेरिकामा गरिने पनि निर्माणपक्षले जनाएको छ। फिल्मका गीतमा योगेश काजीको संगीत सुन्न सकिन्छ।