कृष्णा काफ्लेले ‘दिप भै बलिरहु’ भन्दै श्रेयालाई फकाए

अम्बिका गुरुङको शब्दमा दार्शनिक गीत ‘दिप भै बलिरहु’ को म्युजिक भिडियो सार्वजनिक भएको छ। सार्वजनिक गीतमा कृष्ण काफ्लेको स्वर तथा पुरुषोत्तम न्यौपानेको संगीत सुन्न सकिन्छ भने गीतलाई एरेन्ज भने बाबु प्रधानले गरेका छन्।

गीतको म्युजिक भिडियोलाई निर्देशन निशान कस्यप घिमिरेले गरेका हुन्।गीतको भिडियोमा गायक आफै अभिनयमा उत्रिएका छन् भने मोडेल श्रेया सिटौलालले कृष्णलाई अभिनयमा साथ दिएकी छन्। गीतको भिडियोमा एक जोडीको मिठो प्रेम कथा प्रस्तुत गरेको देख्न सकिन्छ। भावसागरले बजारमा ल्याएको म्युजिक भिडियोलाई उत्सब दाहालले छायांकन ,अनिता ग्वाच्चाको मेकअप र निर्देशक घिमिरेकै सम्पादन गरेका छन्।