‘लप्पन छप्पन२’ लाई ४ भाषामा रिलिज गरिदैँ,

आगामी फागनु २७ गतेबाट हलमा लिरिज गर्न लागिएको फिल्म ‘लप्पन छप्पन २’ले चार ओटा भाषामा फिल्म प्रदर्शन गर्ने भएको छ। मुकुन्द भट्टको निर्माण तथा निर्देशन बनेको फिल्म ‘लप्पन छप्पन २’ नेपाली, हिंन्दी, तमिल र भोजपुरी गरी चार भाषामा रिलिज गरिने निर्माण पक्षले जनाएको छ। निर्देशक भट्टले एक पोस्टर सार्वजनिक गर्दै फिल्म चार भाषामा रिलिज हुन लागेको बताए।

खिलेन्द्रराज तिम्सिनाको प्रस्तुतिमा निर्माण भएको फिल्म ‘लप्पन छप्पन २’मा शिव श्रेष्ठ, सौगात मल्ल, अर्पण थापा, अनुपविक्रम शाही, प्रकाश कुँवर, स्व. दीपक क्षेत्री, सरिता गिरी, एञ्जल श्रेष्ठ, अनिल खनाल, राजेन्द्र विष्टलगायतका कलाकारको अभिनय छ ।  फिल्मको गीतमा किङ योगी र दिलिप ओकेडाको कोरियोग्राफी छ । दन्द्ध निर्देशन हिमाल केसीको छ। फिल्मलाई मिलन श्रेष्ठले सम्पादन गरेका छन् भने फिल्मको कार्यकारी नर्मिाता सुरज अधिकारी र प्रजापति सिवाकोटीको छन् भने समीर खरेल क्रियटिभ निर्माताको रुपमा रहेका छन् ।

त्यस्तै, राजीव तामाङ, वेद बहादुर तामाङ, रानु तिमिला, ताराचन्द शर्मा र सुरज केसी सहनिर्मातामा रहेका छन् । फिल्मको पटकथा र संवादमा निर्देशक भट्ट र सुनिल नेउरेको छ। फिल्मको छायांकन पुरुषोत्तम प्रधानको छ भने शम्भुजित बाँस्कोटा, राजेन्द्र भट्ट एमआर आरजे, दीपक आरजे र बुलेट फ्लोको संगीत रहेका छ ।