स्वस्तिमा खड्का पनि नाटकमा

अभिनेत्री स्वस्तिमा खड्का नाटकमा लागेकी छन्। उनी एक नाटकमा अहिले व्यस्त रहेकी छन्। नारायण वाग्लेद्वारा लिखित चर्चित उपन्यास ‘पल्पसा क्याफे’ माथि बन्न लागेको नाटकमा स्वस्तिमाले अभिनय गर्न लागेकी हुन् ।

उनले थिएटर भिलेजका निर्देशक बिमल सुवेदीले निर्देशनमा नाटकमा अभिनय गर्न लागेकी हुन्। उपन्यासको नाट्य रुपान्तरण सुरज सुवेदीले गरेका हुन् । स्वस्तिमाले केहि तस्विर सामाजिक सञ्जालमा तस्विर सेयर गर्दे अहिले यसको रिहर्सल चलिरहेको छ । उक्त नाटक चाँडै मञ्चन हुने तयारीमा छ।
स्वतिमाको नाटक कहिलेबाट सुरु हुन्छ भन्ने जानकारी नभएता पनि नाटक सकिएपछि भने उनी फिल्म चिसो मान्छेको छायांकनमा निस्किदैछिन्। दीपेन्द्र के. खनालको फिल्म ‘चिसो मान्छे’ फागुनको पहिलो साताबाट छायांकनमा जाने कुरा छ। उनी यता व्यस्त हुनेछिन् । फिल्ममा व्यस्त रहेकी स्वस्तिमा फिल्म चिसो मान्छे पछि श्रीमान निश्चल बस्नेतले निर्देशन गर्ने फिल्म ‘जिन्दाबाद’ मा अभिनय गर्नेछिन् ।

नाटकबाट फिल्ममा आएका कलाकार

रंगमञ्च हुदै फिल्ममा आएका थुप्रै कलाकारहरु रहेका छन्। जो अहिले चल्तीका कलाकार पनि छन्। जस्तै सौगात मल्ल, दयाहाङ राई, विपिन कार्की, खगेन्द्र लामिछाने, कर्मा शाक्य, प्रवीण खतिवडा, बुद्धि तामाङ, विजय बराललगायत कलाकार रंगमञ्चबाटै फिल्ममा आएका कलाकार हुन्।
फिल्मबाट रंगमञ्चमा आएका कलाकारहरु पनि निकै रहेको पाइन्छ । नम्रता श्रेष्ठ, राजेश हमाललगायतले फिल्मपछि नाटकमा अभिनय गरेका थिए। उनीहरु फुर्सदको समयमा नाटकमा अभिनय गर्दै आएका छन्।

 

https://www.facebook.com/photo?fbid=5641651872527383&set=pcb.5641654125860491