‘एउटा यस्तो प्रेम कहानी’ प्रचार प्रसारमा खोइ कलाकार

अरु समय फिल्मको प्रचार प्रसारमा कलाकारलाई अगाडी सारिन्थ्यो । देशभर फिल्म हलमा लाग्ने समयमा कलाकार सहित प्रेसमिट भनिन्थ्यो भने अनेक फिल्मका फन्डा अपनाइन्थाये । तर माघ १ गतेबाट रिलिज हुने भनिएको फिल्म ‘एउटा यस्तो प्रेम कहानी’ को प्रचार प्रसारमा अभिनेत्री वर्ष राउत देखिएकी छैनन्। उनी कुनै कार्यक्रममा सहभागि भएकी छैनन् भने प्रचार प्रसारमा हुने त कुरै भएन ।

यसो हुनुमा वर्षको गल्ती हो या उनलाई वास्ता नगरिएको निर्माण टिमले नै जान्दछ । तर ,उनलाई फिल्मको प्रचार प्रसारमा बोलाइएको छैन। उनले हालै एक मिडियालाई उनले फिल्मको बारेमा थाहा नभएको बताएकी छन्। उनले आफुलाई फिल्ममा अभिनय गरेपछि डबिङका लागि पनि नबोलाइएको गुनासो गरेकी छन्। फिल्म प्रचार प्रसारको त कुरै छोडौँ निर्माणपक्षले उनलाई फिल्मका बारेमा केहि भनेको पनि छैन। उनका अनुसार जुन कथा सुरुमा दिइएको थियो, त्यो अनुसार फिल्मको छायांकन पनि सकिएको छैन । यो फिल्ममा हेलचेक्राई भएको वर्षाको भनाई छ ।

वर्षाले यो फिल्म हेलचक्राई गरेर रिलिज हुन लागेको भन्दै असन्तुष्टी व्यक्त गरेकी छन्। अभिनेता तथा निर्माता शिव श्रेष्ठको निर्माणमा बनेको फिल्ममा शिव श्रेष्ठका अलवा प्रियंका कार्की, वर्षा राउत, आयुष्मान देशराज जोशी, संजोग कोइराला, कविता मानन्धर, शक्ति श्रेष्ठ लगायतका कलाकारको अभिनय रहेको छ। तर, फिल्म प्रचार प्रचारमा शिव श्रेष्ठ एक्लै तातिएका छन्। अन्य कलाकार देखिएका छैनन्। के मा चित्त दुख्यो कुन्नी ।