पुष्प खेल्यो कि नाम चेन्ज

के भएको यस्तो । नाम चेन्ज के नाम चेन्ज । अभिनेता पुष्प खड्का खेलेपछि फिल्मको नाम नै चेन्ज । किन यस्तो भएको होला खै । फिल्म चालबाज खेले पुष्पले । फिल्म खेलिरहेका थिए । लकडाउनपछि फिल्म रोकियो । काम फेरि सुरु भयो । गीत खिचियो एउटा । गीत खिच्दा खिच्दै फिल्मको नाम चेन्ज । फिल्मको नाम चालबाजबाट बन्न पुग्यो मनसँग मन । फिल्मको नाम परिवर्तन भयो । हिरो पुष्प खड्का र हिरोइन वर्षा सिवाकोटी छन् फिल्ममा ।

यो त ल भयो मानौ । अब अर्को पनि यस्तै छ । पुष्पले नखेल्दा पल शाह थिए रेड वाइनमा । पलले खेल्ने पक्का गरेका हुन् भनेर भनौ । तर, पल निस्किए । पल निस्किएपछि फिल्मको हिरो बने पुष्प खड्का । पुष्प हिरो बनेपछि फिल्मको नाम परिवर्तन भयो । फिल्मको नाम तिम्रो मेरो साथ राखिएको छ । आजदेखि सुरु भयो फिल्मको छायांकन ।

पुष्पका २ फिल्मको नाम यसरी परिवर्तन भैदियो । पुष्प खड्काको नाम पुष्पल खड्का राखेका थिए तुलसी घिमिरेले । पुष्पले अहिले पुष्प नै भन्छन्, पुष्पल भन्न छाडे । फिल्म चलेन नी त दर्पण छायाँ २ । तर, पुष्प जोडिएपछि फिल्मको नाम नै परिवर्तन हुने किन होला ।