रमेश एमकेको फिल्म‘रेड वाइन’को नाम फेरियो

फिल्म ‘रेड वाइन’को नाम परिवर्तन गरिएको छ। रमेश एमके पौडेलको निर्देशनमा बन्न लागेको फिल्म ‘रेड वाइन’को नाम परिवर्तन भएको हो। फिल्मको नाम परिवर्तन गरेर निर्माण पक्षले ‘तिम्रो मेरो साथ’ नाम दिएको छ।

यस फिल्ममा अभिनेताका रपमा पुष्प खड्का रहेका छन भने अभिनेत्रीमा साम्राज्ञी आरु एल शाह रहेकी छन्। पुष्प र साम्राज्ञीको यो दोस्रो सहकार्य हो। यस फिल्मका लागि निर्माणपक्षले अभिनेता पल शाह र अभिनेत्री साम्राज्ञी राज्यलक्ष्मी शाहलाई अनुबन्धित गरेको थियो । तर, पलले फिल्मको नाममा केही आपत्ति जनाएपछि निर्माणपक्षले पलसँगको सहकार्यलाई तोडेको छ।

नेपाल र अमेरिकामा छायांकन हुने भनिएको यस फिल्ममा पुष्प र साम्राज्ञीसँगै सन्दिप क्षत्री, खड्गबहादुर पुन मगर, इमिली लामा, ध्रुव दत्तलगायत कलाकारको अभिनय रहने निर्माणपक्षले जनाएको छ। ‘आर्यन फिल्म्स’ र ’बोधी एचडी अमेरिका’को संयुक्त ब्यानरमा बन्न लागेको यस फिल्मलाई सविर श्रेष्ठले लेखेका हुन् । रोमान्टिक कथामा निर्माण हुने यस फिल्मलाई पासाङ लामाको लगानी रहने छ । त्यस्तै निरु भण्डारी, सुमन पौडेल र सुधिर पराजुली फिल्म सह–निर्माताका रूपमा रहेका छन्।