शिवको ‘तिम्रो याद भुलाउन’ मा नरेश र साक्षी

गायक शिव परियारको स्वरमा नयाँ गीत ‘तिम्रो याद भुलाउन’बोलको गीतको भिडियो सार्वजनिक गरिएको छ । उक्त गीतको भिडियामा सञ्चारकर्मी नरेश भट्टराई र साक्षी लम्सालले अभिनय गरेका छन्। सार्वजनिक भएको गीतमा उमेश रेग्मीको शब्द तथा संगीत, महाराज थापाको संगीत संयोजन छ ।
गीतको भिडियोलाई युवराज वाइवाले निर्देशन गरेका छन्। गीतको भाव अनुसार भिडियोमा प्रेमिकाले छाडेपछि उसको याद भुलाउन एउटा प्रेमीले मदिराको सहारा लिएको देखाईएको छ । प्रेमीकाको याद भुलाउन मदिराको सहारा लिँदा प्रेमीले आफूलाई अझ विगारिरहेको भाव भिडियोमा ब्यक्त गरिएको छ ।

अमेरिका बस्दै आएका उमेश रेग्मीको शब्द तथा संगीतमा अहिलेका धेरै चलेका गायक–गायिकाले गीत गाईसकेका छन् । निशल पौडेलको छायाँकन,विकाश दाहालले सम्पादन गरेको भिडियोलाई गोत्र इन्टरटेन्टमेन्टको अफिसियल युट्युब च्यानलमार्फत सार्वजनिक गरिएको छ ।

https://www.youtube.com/watch?v=oloDLBqJUxQ