पल, पूजासँगै वर्षा र पुष्पको ‘मनसँग मन’

नाम परिवर्तन भएको छ फिल्म चालबाजको । यो फिल्मको नाम मनसँग मन राखिएको छ । फिल्मको नाम परिवर्तन गरेपछि फिल्मको गीत खिचिएको छ । गीतमा अतिथी कलाकारको रुपमा देखिएका छन् अभिनेता पल शाह र अभिनेत्री पूजा शर्मा ।

यो फिल्ममा छन् मुख्य कलाकारमा पुष्प खड्का, वर्षा सिवाकोटी र वुद्दि तामाङ । रविन्द्र झासँगै पल शाह र पूजा शर्मा गीतमा मात्र देखिएका हुन् । गीतले मेरो त भाग्य भन्ने बोल बोल्छ । दिपक शर्मा संगीतकार, विपिन किरण गीतकार रहेको गीतमा डेभिड शंकर र भावना राइको आवाज सुन्न पाइन्छ ।

सौरभ इन्टरटेन्मेन्ट र बालाली प्रोडक्शनको ब्यानरमा फिल्म बनेको हो । फिल्ममा कैला राइको निर्देशन, अरुण तामाङको लगानी, सौरभ लामाको छायांकन छ । अर्जुन जीसीको सम्पादन, सन्तोष खवासको यसमा द्धन्द्ध छ ।

फिल्मको गीतमा अतिथी भूमिकामा देखिएका पल र पूजाले अरु फिल्मलाई पनि साथ दिन आवश्यक रहेको बताएका छन् । यो गीत र फिल्म दुबैको प्रदर्शन मिति तय भएको छैन ।