ओटीटीमा ‘राधे’ रिलिजले हलवाला तनावमा, हलमै रिलिज गर्न सुझाव

सुपरस्टार सलमान खान अभिनित फिल्म ‘राधे’ ओटीटीमा रिलिज नगर्न सलमानलाई सिनेमा घरका साहुले पत्र पठाएका छन्। सलमानको टिमले ओटिटीमा रिलिज गर्ने कुरा अगाड सारेपछि फिल्म हलवालाले यस्तो अनुरोध गरेका हुन्।

अहिले फिल्म‘राधेः योर मोस्ट वान्टेड भाइ’को यतिबेला पोष्ट प्रोडक्सनको काम चलिरहेको छ । आगामी ईदमा फिल्म फिल्म हलको सट्टा ओटीटी प्लेट फर्मबाट रिलिज गर्ने समाचार बाहिरिएको छ।

हालै फिल्म घरका मालिकले सलमान खानलाई एक पत्र लेख्दै फिल्म ओटीटीमा रिलिज नगरेर हलमा नै रिलिज गर्न अभिनेता सलमान खानलाई अनुरोध गरेका छन् । पत्रमा उनीहरुले फिल्म ईदमै रिलिज गरे हलमा पनि राम्रो हुने सुझाव दिएका छन् ।

अहिले निकै चर्चामा रहेको फिल्म ‘राधे योर मोस्ट वान्टेड भाई’मा अभिनेता सलमानको अलवा दीशा पाटनी, ज्याकी श्राफ र रणदीप हुड्डो मुख्य भुमिका रहेको छ। प्रभुदेवाले यस फिल्मलाई निर्देशन गरेका हुन्।