‘सम्बन्ध’को ट्रेलर सार्वजनिक

टेलिसिरियल ‘सम्बन्ध’ ट्रेलर सार्वजनिक भएको छ। रंगपत्रकार कुमार आचार्यको निर्देशनमा तयार भएको टेलिसिरियल ‘सम्बन्ध’ को ट्रेलर सार्वजनिक भएको हो। परिवारभित्रको मिलन, द्वन्द्व, तिरस्कार, माया,प्रेम ट्रेलर मार्फत देखाउन खोजिएको छ। सिरियल आगामी माघ ३ गतेदेखि प्रत्येक शनिबार राति ९ बजेदेखि प्राइमटाइम्स एचडीबाट प्रसारण हुने निर्देशक कुमारले बताए।

सिरियलमा शिशिर राणा, सपना श्रेष्ठ, हर्षिका श्रेष्ठ, पुष्कर राउत, अस्मिता जुरेली, श्रेया दुलाल, प्रदिप गिरी, सुरेश क्षेत्री, उग्रसेन ढुंगाना, रविन्द्र अधिकारी, बिन्दिया शाही, सरोज दाहाल, अञ्जना श्रेष्ठ र बिनिशा सेवाको अभिनय रहेको छ । यसमा विकास चौधरीको संगीत, रामजी लामिछानेको कोरियोग्राफी, नविन पन्तको गीत, उषा मलह (सिम्रन) को स्वर सुन्न सकिन्छ।

काठमाडौं आसपासमा छायांकन भएको सिरियललाई रामेश्वर हुमागाईले खिचेका हुन भने गौतमराज खड्काले सम्पादन गरेका छन् । करुणा आचार्य प्रस्तुतकर्ता रहेको टेलिसिरियलमा सरला भण्डारी र अन्जना श्रेष्ठ निर्माता, गीता आचार्य कार्यकारी निर्माता छन् । टेलिसिरियलका सहायक निर्देशक कल्याण अधिकारी हुन् ।ट्रेलर रेड बर्डको युट्युब च्यानलबाट सार्वजनिक गरिएको छ ।