सोनम कपुरले थालिन् फिल्म ‘ब्लाइन्ड’को सुटिङ

बलिउड अभिनेत्री सोनम कपुरले फिल्म ‘ब्लाइन्ड’को सुटिङ थालेकी छन्। उनको फिल्मको छायांकन स्कटल्याण्डबाट थालिएको हो। फिल्ममा अभिनेत्री सोनमको साथमा पुरब कोहली र विनय पाठकको मुख्य भूमिकामा रहनेछ।

शोम मखिजाले निर्देशन गर्ने यस फिल्म हिट कोरियन एक्सन थ्रिलर फिल्म ‘ब्लाइन्ड’ को हिन्दी रिमेकको रुपमा यो बन्न लागेको हो। ‘ब्लाइन्ड’ फिल्म एक महिला पुलिस अफिसको बिषयमा निर्माण हुन लागेको बुझिएको छ । सोनमले यस अघि ‘सांवरिया’ ‘दिल्ली ६’, ‘रांझणा’, ‘भाग मिल्खा भाग’, ‘प्रेम रतन धन पायो’, ‘नीरजा’, ‘सन्जु’लगायत थुप्रै फिल्ममा अभिनय गरिसकेकी छन् ।