म्युजिक भिडियोको लागि गीत छान्नै नजान्ने प्रदिपको भनाई

अरु बेला म्युजिक भिडियोमा नदेखिएका कलाकार लकडाउनमा धमाधम म्युजिक भिडियोमा अभिनय गरे। यो लहरमा अभिनेता प्रदीप खड्काले पनि दुइ ओटा म्युजिक भिडियोमा अभिनय गर्ने मौका पाए। तर उनका म्युजिक भिडियो चलेनन्। हालै प्रदिप खड्काले कलाकारले धेरै म्यूजिक भिडियो खेलेर स्टारडम कमजोर नहुने बताएका छन्।

उनले एक मिडिया कुराकानीका क्रममा कलाकारले अभिनय गरेर स्टारडम कमजोर नहुने बताएका हुन्। प्रदिपले कुनै कलाकारले व्यक्तिगत जीवनमा गर्ने क्रियाकलाप र गलत काम गरेको अवस्थामा मात्र स्टारडम कमजोर हुने बताएका छन्। आफुलाई धेरै लकडाउनपछि म्यूजिक भिडियोमा अफर आएको बताउँदै म्युजिक भिडियोमा निरन्तरता दिन नसक्ने हुनाले नखेलेको बताए।

उनले भने,‘एक जनाको मात्र भिडियो गरेर हुँदैन । यो क्षेत्रका धेरै जनासँग चिनजान छ । यसैले एक जनाको गरेर अर्काको नगर्दा चित्त नदुखाउन् भनेर मैले व्यवसायिक रुपमा अफर आएका भिडियो गरिनँ।’ उनले कुराकानीकाक्रममा आफूसँग ३ वटा फिल्म अहिले पाइपलाइनमा रहेको जानकारी दिए। उनले फिल्म ‘प्रकाश’,हुतुतु’ लगायत अर्काे एक फिल्म रहेको र अहिले म्युजिक भिडियोमा खेल्न नसमर्थ रहेको बताएका छन्। पहिला फिल्म ‘प्रकाश’ को छायांकन गर्ने र यसपछि, हेमराज वीसीको फिल्ममा काम गर्ने उनको योजना छ। अनि लाष्टमा फिल्म ‘हुतुतु’मा काम गर्ने योजना सुनाए।