एउटै फोटोले सुष्माको गफ

फोटो एउटै छ । सुष्मा कार्की नेपाली अभिनेत्री । अभिनेता बलिउडका सलमान खान । ओहो, सलमानसँग भेट्न मात्र पनि नेपाली कलाकार मरिहत्ते गर्छन् । लण्डन गाको बेलामा सुष्माले भेटेकी सलमानलाई । त्यो पनि बाटोमा । एउटा फोटो खिचाइन् । पुग्यो हजुर पुग्यो यसले ।

नेपाल आएपछि फोटोको कुरा । सलमानसँग २० मिनेट भेटेको कुरा । २० मिनेट भेट्दा एउटा फोटो, पत्याउने हो ।

सुष्माले सलमानको बर्थ डे मनाउने कार्यक्रममा पुगिन् । राजधानीमै भयो कार्यक्रम । सुष्माको गफ त्यहाँ पनि उस्तै । सलमानलाई लण्डनमा भेट्दा के के भयो भनेर गफ दिन उनलाई कसले सक्ने । यसमाथि क्यामेरा अघि अघि भएपछि सकियो ।

त्यही एउटा फोटो खिचेर सलमानसँग फिल्म नै खेले जस्तो गफ । फेरि , नेपाली कलाकारले बलिउड कलाकार जो यहाँ छैनन्, उनलाई संझिएर केक काटेको कुरालाई दर्शकले आलोचना गरिरहेका छन् । सुष्मालाई यसको के मतलब । एउटै फोटोमा गफ दिएर कहिले थाक्ने सुष्मा ?