सुनितामी र सागरको ‘ढुंगाजस्तो मन’मा प्रकाश सपुत

सुनितामी परियार र सागर आलेको समधुर आवाजमा ‘ढुंगाजस्तो मन’ गीतको म्युजिक भिडियो सार्वजनिक भएको छ। माया प्रेममा परेका छुटिएका एक प्रेमिल जोडीको भाव गीतमा सुन्न सकिन्छ।

यो मार्मिक गीत लेख्ने सर्जक हुन् राष्ट्रिय लोक तथा दोहोरी गीत प्रतिष्ठानका अध्यक्ष रमेश बिजी । उनैको शब्द रचना रहेको गीतलाई जीवन परियारले संगीत भरेका छन्। सुदीप सागरको संगीत संयोजन रहेको गीतलाई सुनितामी र सागरले स्वर भरेका हुन्। गीतको भिडियोमा गायन तथा अभिनेता प्रकाश सपुत, सगुन शाही र संगीता परियारले अभिनय गरेका छन् ।

दुर्गा पौडेलको निर्देशन र छायांकन रहेको भिडियोलाई नवीन घर्तीमगरले सम्पादन गरेका छन्। गीतको भिडियोलाई गायिका सुनितामी आफ्नै युट्यूव च्यानलमार्फत सार्वजनिक गरेकी छन्। गायिका परियारले भनिन्,‘गीतको भाव अनुसारको भिडियो पनि निर्माण गरेका छौँ। पक्कै पनि दर्शकलहरुले माया गरिदिनु हुनेछ भन्नेमा विश्वास लिएको छु।’