सलमानको बर्थडे मनाउन किङ्ग्स लन्जमा पुगेका नेपाली सेलिब्रेटी

नेपाली कलाकारको जन्मदिन कमैलाई मात्र थाहा हुन्छ होला । तर,विदेशी अभिनेता र अभिनेत्रीकोको जन्मदिन नेपाली सेलिब्रेटीले कन्ठै पारेका हुन्छन्। उनीहरुको जन्म दिनमा नेपाली सेलिब्रेटीको ब्राण्ड बनेका अभिनेता अभिनेत्री केक काट्न पुग्छन्। जुन कुरा जन्मदिन मनाइरहेका कलाकारले न थाहा पाउँछन् न धन्यबाद नै दिन्छन्।

यहि भयो हिजो बलिउड अभिनेता सलमान खानको जन्मदिनमा । बलिउड सुपरस्टार सलमान खान ५५ वर्ष पुगेको अवसरमा काठमाडौको एक लन्जबारले केट मज्जाले नै काट्यो। जहाँ नेपालका लोकप्रिय अभिनेता अभिनेत्रीको उपस्थित रहेको मज्जाले नै देख्न सकिन्छ। हिजो साँझ दरबारमार्गस्थित किङ्ग्स लन्जमा सलमानले सञ्चालन गरेको गैरसरकारी संस्था ‘बिइङ्ग ह्युमन’ को नेपाल फ्रेन्चाइज समुहले नेपाली सेलिब्रेटीहरुमा अभिनेता भुवन केसी, प्रशान्त ताम्राकार देखि लिएर अभिनेत्री सुष्मा कार्की लगायतको उपस्थितिमा भव्य रुपमा सलमानको जन्मदिन सेलिब्रेट गर्यो।

सलमान खानको फ्यानका रुपमा उनिहरु त्यहाँ केट काट्न पुगेका थिए। आफ्नो जन्मदिन मनाइदिइरहेका नेपाली कलाकारहरुलाई सलमान खानले धन्यबाद समेत भनेनन्। सलमानको ठूलो प्रशंसक बताउने अभिनेत्री सुष्मा बर्थ(डे केट काट्ने क्रममा निकै रमाएकी थिइन्। सो अवसरमा उनले सलमानसँग लण्डनमा भेट हुँदाको क्षण पनि स्मरण गरिन्। अरु कुरा त त्यस्तै हो सलमानले हाम्रो सेलिब्रेटीको पनि यसो जन्मदिन मनाइदिए कस्तो हुन्थ्यो है।