‘रेड जोन’ बनाउँदै निर्देशक गिरी

झण्डै दुई दर्जन फिल्म निर्देशन गरिसकेका राजु गिरीले नयाँ फिल्मको घोषणा गरेका छन्। उनले फिल्म ‘रेड जोन’सहित आधा दर्जन फिल्म निर्माण गर्ने घोषणा गरेका हुन्। फिल्म आधा म्याड लव, पुरा भयो सपना मेरो, किर्ती, फटाहा नम्बर १, रेड जोन, तिम्रो हुने मन छ क्रमशः निर्माण हुने गर्न लागेको निर्देशक गिरी बताए।

पहिले नै मुहूर्त भएको फिल्म ‘दिलमाया–२, र विस्तारै ‘म्याड लव, र किर्ती एकपछि अर्को गरि छायांकन थालिने उनको भनाईछ । निर्देशक राजु गिरीका अनुसार आगामी माघ ७ गतेबाट फिल्म ‘रेड जोन’को छायांकन हुने छ। यो फिल्मका निर्माता खगेन्द्र सुवेदी र के.एस. काफ्ले रहेका छन् । बिग बजेटमा बन्ने फिल्मको छायांकन बुटवल, नेपालगञ्ज र दाङ लगायतका स्थानमा गरिने निर्देशक गिरीले बताए।