नेफ्टा अवार्डको १० औं संस्करण फागुनमा

कोरोना भाइरस (कोभिड १९) को प्रभावका कारण रोकिएकोे नेफ्टा अवार्डको १० औं संस्करण हुने भएको छ। नेपाल चलचित्र प्राविधिक संघले आगामी फागुन अन्तिम साता अवार्ड आयोजना गर्ने बताएको छ।

अवार्डको उत्कृष्ट पाँच मनोनयन सार्वजनिक कार्यक्रम आगामी माघ १० गते गरिने नेफ्टाले निकालेको विज्ञप्तीमा भनिएको छ। अहिले जनजीवन सामान्य बन्दै गइरहेको र व्यापार व्यवसाय, यातायातसँगै फिल्महलहरु खुलेसँगै फिल्म क्षेत्रलाई थप चलायमान र सकृय बनाउन अवार्ड कार्यक्रम गर्न हो।

नेफ्टा र ड्रिम हाइ नेपाल प्रालिको संयुक्त आयोजनामा हुन लागेको अवार्ड कार्यक्रम ‘टप फाइभ सार्वजनिक गरेको दिन नै अवार्ड आयोजना गरिने मिति सार्वजनिक गर्ने गरिने र (कोभिड १९ )लाई मध्यनजर गर्दै सुरक्षा मापदण्ड र सामाजिक दुरी कायम गरी कार्यक्रम गर्ने नेफ्टाले विज्ञप्तीमा उल्लेख गरेको छ । गत बर्षको चैत्र २२ लाई टुंडिखेलमा तय भएको अवार्ड कार्यक्रम संसारभर फैलिएको कोरोना भाइरसको महामारीका कारण स्थगित भएको थियो ।