सरुको ‘क्यारम तनी’मा राजेश हमाल

अभिनेता राजेश हमाल पछिल्लो समय म्युजिक भिडियोमा व्यस्त रहेका छन्। उनको म्युजिक भिडियो एकपछि अर्को गर्दै दर्शकमाझ आइरहेका छन्।

गायिका सरु गौतम र विनायक बसेलको स्वरमा सजिएको ‘क्यारम तनी’ गीतको म्युजिक भिडियो सार्वजनिक भएको छ। भिम बि. सि. एरेन्ज पुष्कर सुनवार र मिक्सिङ मास्टरिङ दिपकराज विश्वकर्माको रहेको छ।

उक्त गीतमा हमालले अभिनय गरेका छन्। भिडियोमा राजेश हमालको साथमा प्रतिमा कंडेल, उत्तम के सी र नारायण बहादुर पाण्डेको अभिनय देख्न पाईन्छ। देवेन्द्र पान्डेको निर्देशन रहेको भिडियोको छायांकन उत्सव दाहाल, सम्पादन कलर विकास दाहाल, प्रोडक्सन मेनेजर दिपेन गौतम माईकल, सहायक नृत्य निर्देशन राजाराम सिम्खडा, शृङ्गार राम ठाकुर नन्दा अधिकारी र प्रचार संयोजक सन्तोष डिजाइनले गरेका छन्।