फिल्म ‘छक्का पञ्जा–३’ युट्युबमा (भिडियोसहित)

फिल्म ‘छक्का पञ्जा–३’ युट्युबमा सार्वजनिक भएको छ । दीपाश्री निरौलाको निर्देशन रहेको चलचित्र आज साँझ हाइलाइट्स नेपालले आफ्नो युट्युब च्यानलबाट सार्वजनिक गरेको हो ।

फिल्ममा दीपकराज, दीपिका प्रसाईं, केदार घिमिरे, जितु नेपाल, शिवहरि पौडेल, बुद्धि तामाङ, लक्ष्मी गिरीलगायत कलाकारहरुको अभिनय रहेको छ।

फिल्ममा प्रियंका कार्की, स्वस्तिमा खड्का, बर्षा राउत र संजोग कोइरालाको पनि अतिथि भूमिकामा अभिनय देख्न सकिन्छ।

‘छक्का पञ्जा ३’ को कथा दीपक आफैंले लेखेका हुन्।

आमा सरस्वती मुभिज र आईएमईएको संयुक्त प्रस्तुति रहेको फिल्मका केदार घिमिरे (माग्ने बुढा) र जितु नेपाल (मुन्द्रे) कार्यकारी निर्माता हुन्।

फिल्म टीभी एपमा राखिएको चलचित्र ‘छक्का पञ्जा–३’ पाइरेसी भए पछि युट्युबमा रिलिज गरिएको हो । केही समय यता पाइरेसी भएको कपी एकबाट अर्को हुँदै धेरैको मोबाइलमा पुगेपछि युट्युबमा अपलोड गर्नु परेको हो ।

फिल्ममा शिक्षा क्षेत्रमा हुने राजनितीलाई मुख्य कथा वस्तुका रूपमा प्रस्तुत गर्ने प्रयास गरिएको छ।