‘अन्तिम’को टिजरमा सलमान खानको चर्चा (टिजर सहित)

बलिउड फिल्म फिल्म ‘अन्तिमः द फाइनल टु«थ’को टिजर सार्वजनिक भएको छ। फिल्मको टिजर सार्वजनिक भएसँगै फिल्मको चर्चा हुन थालेको छ। सलमान खान र आयुष शर्माको मुख्य भुमिका रहने फिल्ममा हालसालै सुटिङ सुरु भएको हो। फिल्मको छायांकन भइरहेको समयमा नै यसको टिजर रिलिज गरिएको छ ।

सार्वजनिक भएको टिजरमा एक्सनका दृश्य समेत समेटिएका छन् । टिजरमा सलमान र आयुषको लडाई देखाइएको छ भने सलमानले सरदारको भूमिका निर्वाह गरेका छन् । आयुषलाई भने बडी बिल्डरको लुक्समा देख्न सकिन्छ।

फिल्मको टिजरलाई सलमान खानले आफ्नै ट्वीटर एकाउन्टबाट शेयर गरेपछि हल्ला बाहिरिएको हो। उनले टिजर शेयर गर्दै लेखेका छन–‘अन्तिमको शुरुवात’। फिल्मलाई युनिटले अगस्ट २०२१मा रिलिज गर्ने भनिएता पनि अहिलेसम्म ठोस कुरा गरेका छैनन् । महेश मान्जरेकरले निर्देशन गरेको फिल्मलाई सलमान खानकै प्रोडक्सनमा निर्माण भएको हो। फिल्म ‘मुलशी’को रिमेक रहेको बुझिएको छ।