‘अतरंगी रे’मा अक्षयको गेटअप

बलिउड अभिनेता अक्षय कुमार फिल्म ‘अतरंगी रे’मा फरक गेटअपमा देखिएका छन्। फरकफरक गेटअपमा छायांकन भइरहेको फिल्ममा उनी आगरामा अभिनेत्री साराअली खानसँग रोमान्स गरिरहेका छन्। फिल्मको केही दृश्यको छायांकन ताज महलमा पनि गरिएको देखिएको छ।
फिल्मको छायांकन स्थलबाटै सारा अलिले अक्षयको तस्विर सार्वजनिक गरेकी छन्।जहा अक्षय कुमार हातमा गुलाबको फूल लिएर सवारीमा बसेको देखिन्छ । साराले अक्षयको एक भिडियो पनि शेयर गर्दै अक्षय जस्तो अतरंगी अरु हुन नसक्ने बताएकी छिन्।

फिल्ममा अक्षय कुमार, साराअली खान, धनुष र नसिरुद्दिन शाहको पनि मुख्य भूमिका रहेको छ ।सारा र धनुषले पहिलो पटक पर्दा शेयर गर्न लागेका हुन् । आनन्द एल रायको निर्देशनमा तयार हुँदै गरेको फिल्ममा ए आर रहमानको संगीत, हिमांशु शर्माको गीत छ ।