चैतमा ‘प्रेम गीत ३’ को प्रदर्शन

आसुशेन फिल्मस् प्रोडक्सनको प्रस्तुति निर्माण भएको फिल्म ‘प्रेम गीत ३’को प्रदर्शन मिति तोकिएको छ। आगामी चैत मा फिल्मको प्रदर्शन गर्ने निर्माण पक्षले जनाएको छ। क्ेहि दिन अघि चलचित्र संघले पुष १० गतेबाट फिल्म हल खोल्ने तयारी गरेसँगै फिल्मको प्रदर्शन मिति तोकिन थालिएको छ।

फिल्म ‘प्रेम गीत ३’का निर्देशक तथा निर्माता सन्तोष सेन ‘फिल्म हल खुल्यो र माहोल बन्यो भने ‘प्रेम गीत ३’ चैतमा रिलिज गर्ने तयारीमा रहेका छन्। अहिले फिल्मका बाँकी रहेका काम समापन गरिरहेका छन्। फिल्म ‘प्रेम गीत ३’ बर्षकै प्रतिक्षित फिल्मका रुपमा हेरिएको छ। फिल्मको सम्पुर्ण काम सकेको खण्डमा चैतको अन्तिम साता रिलिज गर्ने योजना सेनको तयारी छ।

फिल्ममा प्रदीप खड्काका अलवा क्रिस्टिना गुरुङ, मनिष राउत, शिव श्रेष्ठ, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, अनुभव रेग्मी, योगिशा खत्री, सम्वृद्धि शाही ठकुरी, क्रिजन गौतम, जीवन बराल, जीवन भट्टराई, सुजल बस्नेत लगायतका कलाकारको अभिनय रहेको छ। फिल्मलाई स्वर्गीय छेतेन गुरुङ र सन्तोष सेनको संयुक्त निर्देशनमा तयार पारिएको हो।
फिल्ममा कल्याण सिंह र एलिश कार्कीको संगीत, हिमाल केसीको द्वन्द्व, कविराज गहतराजको नृत्य रहेको छ । फिल्म बनिश शाह र भूपेन्द्र अधिकारीले सम्पादन गरेका हुन् ।