मन्त्रीद्धारा कलाकार संघको भवन शिलान्यास

नेपाल चलचित्र कलाकार संघको आफ्नै भवन निर्माणका लागि शिलान्यास गरिएको छ। कठमडौको चन्दागिरी वडा नं १३ मा संघको भवन निर्माणका लागि हिजो शिलान्यास गरिएको हो। शनिबार आयोजित एक समारोहका बीच शहरी विकास मन्त्री कृष्णगोपाल श्रेष्ठले भवनको शिलान्यास गरे ।

भवन शिल्यान्यास गर्दै मन्त्रीले श्रेष्ठले भने, ‘मेरो क्षेत्रमा कलाकारहरुले आफ्नो संस्थाको भवन निर्माण गर्न लाग्नु भएको छ । मेरो लागि त्यो भन्दा खुसीको कुरो अरु के हुन सक्छ र । तपाईहरु के कति सक्नुहुन्छ गर्दै गर्नुस् । पुरा गर्ने जिम्बा मेरो भयो ।’ संघको भवन शिल्यानासको क्रममा कलाकार संघका अध्यक्ष रविन्द्र खड्काले भने,‘सबैको सहयोगबाट संघको भवन शिलान्यास हुन सफल भएको हो। आगामि दिनमा पनि सबै पक्षको सहयोगको अपेक्षा रहने छ भन्ने लागेको छ।’

कार्यक्रममा चलचित्र विकास बोर्डका अध्यक्ष दयाराम दाहाल, बरिष्ठ हास्य अभिनेता हरिबंश आचार्य, कृष्ण मल्ल, रमेश बुढाथोकी, दिनेश डिसी, मधु श्रेष्ठ, शम्भु निरौला, कृष्ण ढुंगाना, चलचित्रकर्मी महासंघका अध्यक्ष खगेन्द्र राई, चलचित्र संघका अध्यक्ष मदुसुधन प्रधानलगायतको उपस्थिती रहेको थियो।