नेपाल स्टारको टप टेनबाट बाहिरिए कमल रसाइली

टप टेनमा पुगेका कमल रसाइली बाहिरिएका छन्। दर्शकले दिएको भोटका आधारमा उनी बाहिरिएका हुन्।उनले टप ९मा जानका लागि लोक गीत ‘आकासैमा चिल हो की बेसारा’ बोलको गीत गाएका थिए।

उनी बाहिरिएको उद्घोषकले घोषणा गर्ने वितिक्कै जज रामकृष्ण ढकालले आफु स्तब्ध रहेको बताए। उनले कमलाई हौसाला दिदै भने,‘दर्शकको भोट कम आयो तर पनि टप टेनमा पुग्नु चानचुन कुरा होइन। ’

उनको हौशालाले उनका केहि उर्जा मिलेको जस्तो आभास हुन्थ्यो। अर्की जज अन्जु पन्तले राम्रो गायक घुमाउँदै छौ भन्दै अर्को सिसन पनि रहेकोले कलमका लागि ढोका रहेको बताईन्। कमलले पनि आफुले आफ्नो कमजोरी आगामी दिनमा सुधार्ने भन्दै बाहिरिए। कमल रसाइली झापाका हुन्। अव रियालिटी शो नेपाल स्टारमा टप ९ जना बाँकी रहेका छन्।