‘माया बस्छ कि के हो’को पोस्टर रिलिज

फिल्म ‘माया बस्छ कि के हो’ को फस्टलुक पोस्टर र फिल्ममा समावेश एक रोमान्टिक सार्वजनिक गरिएको छ। आज राजधानीमा एक कार्यक्रमकाबीच पोस्टरसँगै फिल्ममा समावेश गीत सार्वजनिक पनि गरिएको हो।

सार्वजनिक गरिएको पोस्टरमा अभिनेता सोनाल तामाङ र अभिनेत्री कस्मत निरौलालाई देखाइएको छ। उनीहरुबीचको प्रेमी प्रेमिको भाव पोस्टरमार्फत देखाउन खोजिएको छ।

प्रेमकथामा आधारित भएर निर्माण भएको फिल्मको शीर्ष गीत पनि यही शुक्रवार यूट्युबमा सार्वजनिक गर्ने निर्माणपक्षले बताएको छ। फिल्मलाई राजु अधिकारी निर्देशन गरेका छन् भने फिल्मको प्रस्तुतकर्तामा शरद अधिकारी हुन्।

फिल्मको लगानीकर्ता बहादुर सिंह तामाङ र गंगा गिरी रहेका छन् । फिल्मको गीतमा अर्जुन पोखरेलको शब्द तथा संगीत छ भने सुगम पोखरेल र अञ्जु पन्तको आवाज सुन्न सकिन्छ । फिल्ममा रामजी लामिछानेको कोरियोग्राफी, रविन्द्र बरालको छायांकन र विपिन मल्लको सम्पादन रहेको छ।

फिल्मको छायांकन काठमाडौका अलवा बेल्जियम, स्वीजरल्यान्ड, नेदरल्यान्डमा गरिएको छ। आरती अधिकारीको कथामा निर्माण भएको फिल्ममा सोनाल तामाङ र कस्मत निरौलाका अलवा उपेन्द्र थापा, नरेन्द्र थापा, बेनी ढुंगाना, सब्बु पौडेल, हरिकृष्ण कार्की, तेजेन्द्र कँडेल लगायतले अभिनय गरेका छन्। फिल्मको रिलिज अनिश्चित रहेको छ।