‘सालको पातको टपरी’ पछि बसन्तको ‘माया देकै हो’ चर्चामा

वसन्त थापा र समीक्षा अधिकारीको आवाजमा ‘माया देकै हो’ गीतको म्युजिक भिडियो सार्वजनिक भएको छ । बसन्त थापाकै लय तथा भरत बाराकोटीको शब्द संकलनमा रहेको गीत सार्वजनिक भएको हो। गीतमा संगीत संयोजन कृष्ण विकले गरेका छन्।

भिडियोलाई कपिल लामाले निर्देशन गरेका छन् भने आवी रायमाझी, सारिका केसी र मेलिना मगरको अभिनय छ। निलमप्रसाद पन्तको गीतलाई ओवी रायमाझी युट्युब च्यानलबाट सार्वजनिक गरिएको हो । बसन्त थापाको पछिल्लो समय व्यस्त संगीतकारका रुपमा परिचित छन्।

उनले संगीत गरेको गीत ‘सालको पातको टपरी’ ले युट्युबमा छ करोड ५३ लाख बढी भ्युज पाएको छ । यस्तै ‘लोभी आँखा’ दुई करोड ८५ लाख बढी, ‘चौतारीको बर’ एक करोड ९० लाख बढी र ‘उही खोलीमा पानी’ एक करोड ६८ लाख बढी पटक हेरिएको छ।