स्वस्तिमा पछि ‘चिसो मान्छे’मा अर्पणको इन्ट्री

अभिनेत्री स्वस्तिमा खड्कालाई अनुबन्धितपछि फिल्म ‘चिसो मान्छे’मा अभिनेता अर्पण थापा पनि अनुबन्ध गरिएको छ। यस फिल्मकी निर्मात्री शर्मिला पाण्डेले अर्पणसँग आज कागजी सम्झौता गरेकी हुन् ।

फिल्म चिसो मान्छेको टिमले गत शुक्रवार स्वस्तिमासँग कागजी सम्झौता गरेको थियो। उनले यो फिल्मका लागि १८ लाख पारिश्रमिक बुझेको चर्चाले फिल्मी बजार तताएको छ।

फिल्मलाई दीपेन्द्र के. खनालले निर्देशन गर्न लागेको फिल्मको स्क्रिप्ट पनि उनैले तयार पारिसकेका छन्। त्यस्तै फिल्मको छायांकन पनि उनैले गर्न लागेको निर्माण पक्षले जनाएको छ। फिल्मको छायांकन भने कोरोना संक्रमणको जोखिम कम भएपछि थालिने भनिएको छ।