लोकराजको ‘क्या बात’मा प्रेमिकाको दर्दनाक कथा

गीतकार लोकराज अधिकारीले नयाँ गीत ‘क्या बात’ सार्बजनिक गरेका छन्। उनले सरोज कोइरालाको सङ्गीत, वर्षा दासको स्वर रहेको गीतको भिडियो सार्वजनिक गरेका हुन्।  भिडियोमा श्रीदेब भट्टराई, शिलास्मा हमाल, आश्मा अधिकारी र डा. रोजिना अधिकारीको अभिनय देख्न सकिन्छ।

आफ्नै प्रेमीबाट पाएको धोकाका कारण जीवनभर बाँझो रहनु परेको एक पिडालाई गीतमार्फत उठाइएको छ। हेम प्रभासले निर्देशन गरेको भिडियोलाई विकाश दाहालले सम्पादन, अजय रेग्मीको छायांकन रहेको छ।

लिला डागीको प्रस्तुति रहेको उक्त गीतको सङ्गीत संयोजन गोबिन्द मधुर आचार्यले गरेका छन्। रेकर्डिङ मिक्सिङ सन्तोष पौडेलको छ। गीतकार अधिकारीले आफ्नै युट्युब च्यानलमार्फत सार्बजनिक गरेको भिडियोलाई दर्शकले मन पराइरहेका छन्।