अपार्टमेन्टमा मृत भेटिइन अभिनेत्री

३३ वर्षिया एक अभिनेत्रीको शंकास्पद मुत्यु भएको छ। बंगाली अभिनेत्री आर्या बेनर्जी कोलकातास्थित आफ्नो निवासमा मृत फेला परेकी हुन् । उनको मृत्युबारे प्रहरीले अनुसन्धान गरिरहेको छ ।

प्रहरीले तेस्रो तल्लामा रहेको उनको अपार्टमेन्टको ढोका फोडेर भित्र पस्दा ३३ वर्षीया अभिनेत्री मृत भेटिएकी थिइन् । अभिनेत्री आफ्नो अपार्टमेन्टमा एक्लै बस्दै आइरहेकी थिइन्। प्रहरीका अनुसार उनले केही खाना वान्ता गरेर भुइँमा उत्तानो परेर लडिरहेको अवस्थामा फेला परेकी हुन् भने उनको वरिपरी जमिनमा रगतका छिटाहरु देखिएका छन्।

एक प्रहरी अधिकारीले भने,‘शुरुवाती अध्ययनमा केही शंकास्पद पाइएको छैन । तर, मृत्युको वास्तविक कारण पोष्ट मोर्टम रिपोर्ट आएपछि मात्र थाहा हुनेछ।,’ बेनर्जीले द डर्टी पिक्चर, लभ सेक्स एन्ड धोखालगायत फिल्ममा अभिनय गरिसकेकी छन्। उनी स्वर्गीय सितारवादक निखिल बन्द्योपाध्यायकी छोरी हुन् ।