बद्री पङ्गेनी र रचना रिमालको मार्मिक गीत ‘तिम्रो घरमा मेरी छोरी’

गायक बद्री पङ्गेनी र गोपाल पोखरेलको लोकगीत ‘तिम्रो घरमा मेरी छोरी’ सार्वजनिक भएको छ । गीतमा बद्रीलाई रचना रिमालले गायनमा साथ दिएकी छन्। नारायण ज्ञवालीका शब्द रहेको गीतमा गायक पङ्गेनी कै लय रहेको छ। गीतमा विश्वास नेपालको सङ्गीत संयोजन छ ।

बद्रीले पहिलो पटक गीतको भिडियो निर्देशन गरेका हुन्। बद्री पङ्गेनी युटुब च्यानलबाट बजारमा आएको गीतलाई बिपी फिल्म प्रालिले निर्माण गरेको हो। म्युजिक भिडियोमा सन्तोष पन्त, लक्ष्मी गिरी, टीका जैसी, रेश्मी भट्ट, कृष्ण बराल, मनिषा राउत र बालकलाकार जेनिशा बुढा मगरको अभिनय देख्न सकिन्छ।

पङ्गेनीले रहर जागेर भिडियो निर्देशन गरिएको र आगामी दिनमा पनि निर्देशनलाई निरन्तरता दिन सक्ने बताए । उनका अनुसार समाजमा जरा गाडेर रहेको जातीय विभेदको समस्या उजागर गर्दै अन्त्य गर्नमा मद्दत गर्ने विश्वास लिइएको छ ।