प्रदाप दास र कविता श्रेष्ठको आवाजमा ‘गोधुली’

प्रताप दास र कबिता श्रेष्ठको आवाजमा ‘गोधुली’ गीतको म्युजिक भिडियो सार्वजनिक भएको छ।  म्युजिक भिडियोमा ज्ञानीमाया तामाङ र हेरुका लामाको अभिनय रहेको गीत शुक्रवार ओएसआर डिजिटलको युट्युब च्यानलबाट सार्वजनिक गरिएको हो ।

राजेश कुमार श्रेष्ठको शब्द संगीतमा तयार भएको भिडियो गीतलाई भुईसल लामाले निर्माण गरेका हुन् । गीतमा अमूल कार्कीको एरेञ्ज रहेको छ। गीतको भिडियोमा ज्ञानीमाया र हेरुकाको रोमान्स देख्न सकिन्छ। गीतको भिडियोमा प्राकृतिक सौन्दर्य सहितको लोकेशनमा खिचिएको दृश्य कैद गरिएको छ।

भिडियोलाई दिनेश पाख्रिनले निर्देशन गरेका छन्। भिडियोलाई तारा थापाको सम्पादन र रामेश्वर हुमागाईले छायाँकन गरेका हुन्। गीतको भिडियोमा दिक्षा पाख्रिनले कोरियोग्राफि गरेकी छन्।