अन्जु पन्तकी छोरी परितोषिकाको अभिनयमा डेब्यु

गायिका अन्जु पन्तकी छोरी परितोषिका पन्तले अभिनयमा डेब्यु गरेकी छन् । ‘धेरै माया नदेऊ मलाई’ गीतको  नयाँ म्युजिक भिडियो मार्फत उनले अभिनयमा डेब्यु गरेकी हुन् ।

विहिबार सार्वजनिक गीतमा परितोषिकाको निकै उत्कृष्ट अभिनय देख्न सकिन्छ । भिडियोमा परितोषिकाका साथमा देखिएका छन् मोडल कुन्साङ् बोम्जन ।

गायिका पन्तकै स्वर तथा पहिलो पटक संगीत रहेको गीतमा सुरेश वाग्लेको शब्द रहेको छ । १० वर्ष अघि रचित प्रेमिल शब्दले भरिएको यो गीत निकै उत्कृष्ट भएकोले छोरीको डेब्यु यसबाट गराएको गायिका पन्तले बताइन् ।

ममीको अरू गीतमा पनि अभिनयको ‘अफर’ आएको भएपनि यो गीत निकै मनपरेको कारणले यसैबाट डेब्यु गरेको परितोषिकाले बताइन् ।

गीतलाई अन्जु पन्तको अफिसियल युट्युवमार्फत बजारमा ल्याईएको हो ।गीतको भिडियो निकेश खड्काले निर्देशन गरेका हुन् भने, धिरज जंग शाहको छायांकन तथा विकाश धमलाको सम्पादन रहेको छ ।

गीत सार्वजनिक पछि गायिका पन्तले आफ्नो करियरकै पहिलो संगीतवद्ध तथा छोरी परितोषिकाको अभिनय यात्रा दर्शक तथा स्रोताले मन पराईदिनु हुनेमा आशावादी रहेको बताइन् ।