प्रदीप खड्काको प्रकाशमा अभिनेत्रीको खोजी

दिनेश राउतले निर्देशन गर्न लागेको फिल्म ‘प्रकाश’का लागि कलाकारको खोजी भइरहेको छ। यस फिल्ममा अभिनय गर्ने विभिन्न कलाकारको अडिसनमार्फत खोज्ने काम भइरहेको छ। अभिनेता प्रदीप खड्काको मुख्य भूमिका रहने फिल्म ‘प्रकाश’का लागि अभिनेत्रीको खोजि भइरहेको हो।
फिल्ममा १६ देखि १८ बर्ष उमेरकी अभिनेत्री र २० देखि २२ बर्ष भित्रका अभिनेताको पनि खोजी गरिएको छ । अभिनेता अभिनेत्रीसँगै चरित्र अभिनेता, चरित्र अभिनेत्री, सहायक कलाकार(पुरुष र महिला), बाल कलाकार, सहयोगी कलाकार(पुरुष र महिला)को खोजी गरिएको निर्माणपक्षले बताएको छ ।
विकास सुवेदीले लेखेको फिल्म ‘प्रकाश’को अडिसन डिसेम्बर १५ देखि १७ तारिखसम्म अस्कर कलेज, सुकेधारमा हुने फिल्म निर्माण पक्षले जनाएको छ।
फिल्ममा दुर्गम गाउँबाट उदाएको एक यूवकको कथालाई देखाइएने छ । वेनिश इन्टरटेन्मेन्टको प्रस्तुतिमा तयार हुन लागेको यो फिल्मका लागि मा प्रदिप खड्काले ३ महिना अभिनय सिकिसकेका छन्। उनलाई कलाकार अनुप बरालले अभिनयको ३ महिने कोर्ष गराएका हुन्।