नवल नेपाल निर्देशित ‘दिल चुप छ’को टिजर सार्वजनिक

वेव सिरिज ‘दिल चुप छ’को टिजर सार्वजनिक गरिएको छ। नवल नेपाल निर्देशित वेव सिरिज ‘दिल चुप छ’को टिजर बुढासुब्बाको युटुव च्यानलबाट सार्वजनिक गरिएको हो। सिरिजको टिजरमा रिस्ता अधिकारी र महेश खड्कालाई प्रेम जोडीको रुपमा देखाइएको छ। प्रेमील जोडीले आफ्नो मनका कुरा एकअर्कालाई भन्न नसकेको र मनमै गुम्साएको टिजरमा देख्न सकिन्छ।

सिरिजमा राजेश श्रेष्ठले गीत लेखेका छन् भने संगीत एलिश कार्कीले भरेका छन्। गीतमा स्वरुपराज आचार्य र बिना श्रेष्ठको स्वर सुन्न सकिन्छ।
प्रेम कथामा आधारित पारिवारिक सिरिजको कथा तथा पटकथा दिनेश न्यौपाने र निर्देशक नवल नेपालले तयार पारेका छन्। नवलका अनुसार अहिले सिरिजको छायांकन धमाधम भइरहेको छ।

छायांकन सकिएपछि टेलिभिजन अथवा युटुव मार्फत नै प्रसारण गरिने छ। छिटै प्रसारण हुने सिरिज ‘दिल चुप छ’मा मदन कास्यप घिमिरेले छायांकन गरेका छन् भने श्रीकृष्ण श्रेष्ठको सम्पादन तथा कलरिङ रहेको छ ।