आउट भइन् ‘डान्सिङ विथ दि स्टार्स नेपाल’बाट ज्योती मगर

हिमालय टेलिभिजनबाट प्रशारण भैरहेको लोकप्रिय रियालिटी शो ‘डान्सिङ विथ दि स्टार्स नेपाल’बाट गायिका ज्योती मगर बाहिरिएकी छिन् । हिजो भएको प्रतिष्पर्धामा गायिका ज्योती मगर बाहिरिएकी हुन्। उनी सेमिफाइनलको नजिक पुगेर बाहिरिदा निकै भावुक भएर स्टाटस समेत लेखेकी छन्।

यस लियालिटी शोबाट दर्शकमाझ लोकप्रिय बनेकी ज्योती अन्तिम पाँचसम्म पुगेर आउट भइन्। शोबाट बाहिरिएपछि स्टाटस लेख्दै ज्योतीले भनिन,‘दर्शक श्रोताकै मायाले म यहाँ आइपुगेको हुँ । मलाई यो शोमा सुरुवातमा आउन मन थिएनँ। तर, यहाँ आएपछि मलाई नआएको भए ठूलो गल्ती हुने रहेछ भन्ने लागेको छ ।’

ज्योती आउट भएपछि सेमिफाइनलमा ४सुमी मोक्तान, वुद्ध लामा, उमेश राई र प्रियना आचार्य रहेका छन् । यस रियालिटी शो निर्णायकमा गौरी मल्ल, दिलिप रायमाझी र रेनशा वान्तवा राई छन्।